Janubiy Koreya prezidenti Pak Kin Xe 2017-yil apreli oxirida muddatidan oldin iste’foga chiqish talabiga rozi bo‘lishga tayyor. Bu haqda parlamentda hukmron “Senuri” partiyasidan mansabdor shaxs ma’lum qildi, deb yozadi “Kommersant”.
Ta’kidlanishicha, bunday qaror aholini va muxolifatni qanoatlantirmasligi mumkin. Hukmron partiya avvalroq prezidentga impichment bo‘yicha ovoz berishga muqobil variant sifatida iste’foga chiqishni taklif qilgan edi, prezident impichmenti bo‘yicha ovoz berish 9-dekabr, juma kuniyoq bo‘lib o‘tishi mumkin.
3-dekabr kuni 200 mingga yaqin kishi Seul ko‘chalariga chiqib, Pak Kin Xeni lavozimidan chetlashtirish va hibsga olishni talab qildi. Janubiy Koreya prezidentiga nisbatan tergov olib borilmoqda. Pak Kin Xe o‘zining folbin dugonasi Chxve Sun Silning korrupsiya sxemalarida ishtirok etganlikda ayblanmoqda. Prezidentning o‘zi esa bularning barchasini rad etmoqda.
Izoh (0)