Amerikaning Amazon internet-giganti to‘rt yil davomida Amazon Go loyihasi ustida ishladi va oxir-oqibat uni Sietlda ishga tushirdi, deb yozadi “Ain.ua”. Bu ko‘rinishidan oddiy do‘kon, ammo u yerda navbat kutilmaydi, unda na kassir va na kassalar bor.
Jarayonning o‘zi oddiy kechadi: mijoz dasturni yuklab oladi, do‘konga kirib, smartfon ekranidagi QR-kodni skanerlaydi va do‘kon javonlaridan o‘ziga yoqqan narsalarni olib, uni tark etadi.
Sietldagi do‘kon bunday formatdagi hozircha yagonasi bo‘lib, ayni paytda (beta-sinov vaqtida) faqat kompaniya xodimlari uchun ochiq. Ammo 2017-yil boshigacha u barcha uchun ochilishi kutilmoqda.
Loyiha Just Walk Out texnologiyasiga asoslangan. U mahsulotlar tokchalardan olinganini va joyiga qaytarib qo‘yilganini avtomatik tarzda anglab oladi va virtual savatni yaratadi. Xaridor do‘konni tark etgach, unga ushbu savat asosida hisob yetib boradi.
Izoh (0)