O‘zbekiston Respublikasining saylangan Prezidenti Shavkat Mirziyoyev 5-dekabr kuni Shanxay hamkorlik tashkiloti kuzatuvchilar missiyasi rahbari, ShHT Bosh kotibi Rashid Alimovni qabul qildi, deya xabar bermoqda O‘zA.
Tomonlar O‘zbekiston Respublikasi Prezidenti sayloviga tayyorgarlik ko‘rish va uni o‘tkazishni kuzatish bo‘yicha ShHT vakillarining xulosalari to‘g‘risida fikr almashdilar.
Rashid Alimov O‘zbekiston Prezidenti saylovi mamlakatda demokratik jarayonlarni yanada rivojlantirish borasida muhim qadam bo‘lganini ta’kidladi.
O‘zbekiston rahbari ShHT kuzatuvchilariga ochiq, erkin va demokratik sharoitlarda o‘tkazilgan saylov kampaniyasi davomida amalga oshirgan samarali ishlari va yakuniy xulosalari uchun samimiy minnatdorlik bildirdi.
Tomonlar ShHT doirasidagi hamkorlikni rivojlantirish yuzasidan fikr almashdilar.
Izoh (0)