Kolumbiyaning “Atletiko Nasyonal” futbol klubiga qarshi Kopa Sudamerikana finalida o‘ynash uchun yo‘lga chiqqan Braziliyaning “Shapekoense” futbol klubi Medelin shahrida aviahalokatga uchragandi.
Janubiy Amerika Futbol Konfederatsiyasi halokat sabab finalning ikki uchrashuvida qatnasha olmagan bo‘lsa ham, “Shapekoense” futbol klubini turnirning rasman g‘olibi deb e’lon qildi. Bu haqda tashkilot rasmiy sayti xabar berdi.
Avvalroq “Shapekoense”ning finaldagi raqibi “Atletiko Nasyonal” kubokni raqibiga shundayligicha topshirish taklifi bilan chiqqandi.
81 nafar yo‘lovchi bilan halokatga uchragan samolyot bortida “Shapekoense” klubining 27 nafar a’zosi ham bor bo‘lib, shularning 22 nafari voqea joyida olamdan ko‘z yumgandi. Alan Rushel, Jekson Folman va Xelio Sampyer Neto kabi futbolchilar halokatdan omon qolgan. Darvozabon Markos Danilo esa shifoxonada vafot etgan.
Izoh (0)