“Sochnaya dolina” (“Сочная долина”) savdo markasi 2016-yilning 25-sentabridan 24-noyabriga qadar davom etgan “Sovg‘alar yozi” aksiyasining uchinchi bosqichiga yakun yasadi.
Kuzning oxirigacha uzaytirilgan yozgi aksiya omadli insonlarga boy bo‘ldi: bu safar 27 nafar g‘olib atigi birgina promo-kodni faollashtirib, qimmatbaho sovg‘alarni qo‘lga kiritishdi. Jami 34 sovg‘a o‘ynaldi: Artel televizori, Canon fotoapparati, multivarka, ikki mikroto‘lqinli pech, ikki dazmol, uch mini-pech, to‘rt telefon, to‘rt blender, sakkiz isitish moslamasi va sakkiz elektr choynak. Bundan tashqari, 400 ishtirokchi “Sochnaya dolina” (“Сочная долина”) savdo markasidan brend futbolkalarga ega bo‘ldi.
Umuman olganda, o‘yinning final bosqichida yoqimli tasodiflar ko‘p bo‘ldi. Jizzaxda yashovchi Dilmurod Shoyimardonov to‘yiga sanoqli kunlar qolganda televizor yutib olganidan xabar topdi – bu yosh oila uchun haqiqiy to‘y sovg‘asi.
“Ikki karra bayram bo‘ldi. Men baxtli insonman: birinchi marta bunday aksiyada ishtirok etib, g‘olib bo‘lishga muvaffaq bo‘ldim”, — deydi yangi oila boshlig‘i. U bunday yirik sovg‘ani qo‘lga kiritish uchun atigi uch promo-kodni faollashtirgan. “Tanishlarim ham ishtirok etib, biror sovg‘a yutishga harakat qilishmoqda, lekin afsuski, hozircha ularning omadi kelmadi. Televizorni uyga olib kelgan bo‘lsam-da, do‘stlarim haligacha uni yutib olganimga ishonishmayapti. Ularga hammasini batafsil tushuntirib berdim va barchasi haqqoniy ekanini aytdim, biroq ular meni chuv tushirmoqchi deb o‘ylashmoqda”, — deya qo‘shimcha qildi g‘olib.
Boshqa bir g‘olib, mini-pech yutib olgan navoiylik Firuz Abdullayev o‘zi yashaydigan hududning deyarli afsonasiga aylandi: atigi bir necha oy avval, avgustda u “Musaffo’ni xarid qil va Chevrolet Spark yutish imkonini qo‘lga kirit” aksiyasida avtomobil egasi bo‘lgandi. Bundaylar haqida “peshonasi yarqiragan” deyishadi, lekin Firuzning bunga boshqacha izohi bor.
“Aprel oyida men uylandim va shundan keyin ketma-ket omad kulib boqa boshladi. O‘ylashimcha, sevimli turmush o‘rtog‘im menga omad keltirmoqda. Bu Mel Gibson ishtirokidagi ‘Ayollar nimani xohlaydi?’ filmidagi kabi: qahramonni yashin uradi va u birdaniga hamma narsani anglay boshlaydi. Menda ham shunday: uylandim va omad menga kulib boqdi, — deb jilmayadi g‘olib. – Mashina yutib olganimdan keyin barcha aksiyalar va o‘yinlarni kuzata boshladim. Avvallari mineral suv yoki choy ichib, ‘Sochnaya dolina’ (“Сочная долина”)ga u qadar e’tibor qaratmasdim, uni stikerlar tufayli xarid qila boshladim. Biroq sharbat kutganimdan-da xushxo‘r bo‘lib chiqdi: sof va tabiiy mahsulot. Endi esa uni muntazam xarid qilaman”.
Uchinchi bosqich davomida Firuz atigi uch promo-kodni faollashtirgan va g‘alabaga umid qilgan bo‘lsa-da, yangi yutuq uni yoqimli hayratga soldi. “Hayratlanish ham gapmi! Endi barcha aksiyalarda ishtirok etishim aniq. Mini-pech xo‘jalikda kerak bo‘luvchi buyum, ayniqsa oilali kishi uchun. Biroq muzlatgich bilan televizor yutib olsam, yaxshi bo‘lardi. Atrofimdagilar mening bunday omadli ekanimga o‘rganib ham qolishdi. Meni ko‘rib, ular ham promo-kodlarni yo‘llashmoqda. Ularga va boshqa barcha ishtirokchilarga chin dildan omad va g‘alaba tilayman”.
Taqdirning yana bir erkatoyi, namanganlik Malikjon Qobulov o‘z tavallud ayyomi oldidan telefon yutib oldi. Shunisi qiziqki, u bunday kutilmagan sovg‘ani uchinchi bosqichda atigi birgina promo-kod yo‘llab, qo‘lga kiritgan.
“Avvallari ham aksiyada ishtirok etardim, lekin birinchi marta g‘olib bo‘lishim. Shunday bo‘lsa-da, o‘zimni omadli inson deya olaman, — deydi Malikjon. – ‘Sochnaya dolina’ (“Сочная долина”) sharbatlarini oila a’zolarimiz bilan anchadan beri ichamiz, doimo xarid qilamiz. Bir kuni uning qadog‘idagi promo-stikerlarga ko‘zimiz tushdi va men bu aksiyada ishtirok etishga qaror qildim: natijada o‘zimni ham, yaqinlarimni ham xursand qildim. Ko‘pchilik bunday aksiyalarda g‘olib bo‘lishning iloji yo‘q deb o‘ylaydi, ammo men – buning aksi ekaniga tirik dalilman. Endi do‘stlarim ham stiker yig‘a boshlashgan. Ularga ham omad kulib boqishiga umid qilaman”.
Andijonda yashovchi Shoista Ahmedova esa iyul oyida “Sochnaya dolina” (“Сочная долина”)dan kvartira yutib olgan andijonlik ayol haqida eshitib, sevimli sharbatini yanada ko‘proq xarid qila boshlagan. U uchinchi bosqichda ikki oy ichida 16 promo-kodni faollashtirgan. G‘alabaga bo‘lgan ishonch mukofotsiz qolmadi: ayni qishki sovuqlar oldidan oila issitish uskunasini qo‘lga kiritdi.
“Sochnaya dolina” (“Сочная долина”)ni ko‘proq iching va omad sizga kulib boqadi”, - deydi g‘olib ishonch bilan.
Toshkentlik Shohida Rahimova uchun o‘g‘illari elektr choynak taqdim etishdi – ayol “Sochnaya dolina” (“Сочная долина”)ning olmali sharbatlarini ichayotgan bir payt, uning o‘g‘illari onasining telefon raqami orqali promo-kodlarni faollashtirishgan va aksiyaning borishini kuzatishgan. Uchinchi bosqich davomida ular atigi birgina promo-kod yo‘llashgan va buning natijasida oila foydali uy anjomini qo‘lga kiritgan. Shohidaning tan olib aytishicha, u turli aksiyalarni yaxshi ko‘radi va hammaning hayotida qaysidir ma’noda omad kulib boqadi, deb hisoblaydi. “Albatta aksiyalarda ishtirok etish kerak, shunda ertami-kechmi, har bir insonning omadi keladi”.
“Sochnaya dolina” (“Сочная долина”) savdo markasi vakillarining bizga ma’lum qilishicha, kompaniya zaxirasida sovg‘alar hali ko‘p. Shunday ekan, oldinda bizni yangi va qiziqarli o‘yinlar kutmoqda. Kompaniya yangiliklarini kuzating, unda ishtirok eting va g‘alaba qozoning!
Reklama huquqi asosida
Izoh (0)