Tojikiston prezidenti Emomali Rahmon Shavkat Mirziyoyevni saylovdagi ishonchli g‘alaba bilan telefon orqali tabrikladi, deb xabar berdi O‘zA.
2016-yilning 5-dekabr kuni bo‘lib o‘tgan suhbatda Emomali Rahmon davlat boshqaruvi ishlarida Shavkat Mirziyoyevga omad tilagan. Davlat rahbarlari O‘zbekiston—Tojikiston munosabatlarini mustahkamlash masalalari bo‘yicha fikr almashgan.
Shuningdek, siyosiy, savdo-iqtisodiy, transport-kommunikatsiya, madaniy-gumanitar va boshqa sohalardagi dolzarb vazifalarning amaliy ro‘yobga chiqarishdan har ikki tomon ham manfaatdor ekanligi ta’kidlangan.
O‘zbekiston va Tojikiston rahbarlari o‘zaro manfaatli loyihalarni amalga oshirish bo‘yicha aniq qarorlarga kelish maqsadida davlat va jamoat tuzilmalari, xo‘jalik sub’ektlarining ikki tomonlama muloqotlarini qo‘llab-quvvatlashga kelishib olgan.
Suhbat konstruktiv va do‘stona ruhda kechdi, deb yozilgan xabar yakunida.
Izoh (0)