Britaniya qirollik xonadoni 30-iyun kuni o‘z moliyaviy hisobotini e’lon qilib, hukumatdan yillik 118,50 million dollar mablag‘ olishini ma’lum qildi. Bu haqda CNN xabar berdi.
“Suveren grant” deb ataladigan summa qirollik saroylarini saqlash va qirollik oilasining rasmiy majburiyat to‘lovlarini qoplaydi. Mazkur mablag‘ Britaniya soliq tizimi orqali ta’minlanadi. Buning evaziga monarx 1760-yildan beri davom etib kelayotgan kelishuvga asosan, Askot poyga maydonini, Angliya, Uels va Shimoliy Irlandiya atrofidagi Crown Estate mulkidan olingan barcha daromadlarni hukumatga topshiradi.
Crown Estate — Britaniya monarxiga korporatsiya asosi sifatida tegishli bo‘lgan yerlar va mulklar to‘plami.
“Suveren grant” — bu monarx va qirollik oilasi vakillarining xarajatlarini qoplash uchun ajratiladigan mablag‘dir. Xususan, mablag‘ ularning jamoat vazifalari, jumladan sayohat va tarixiy mulklarni saqlash xarajatlarini qoplaydi. Ammo xavfsizlikni moliyalashtirish istisno etiladi.
“Qirollik oilasi a’zolari Buyuk Britaniya va xorijda 1900 dan ortiq ommaviy tadbirlar o‘tkazgan. Rasmiy qirollik saroylarida esa 828 ta tadbirda 93 mingdan ortiq mehmon ishtirok etgan”, deyiladi hisobotda.
118,50 million dollar bo‘lgan umumiy mablag‘dan 71,1 millioni asosiy grant hisoblanadi. Bukingem saroyini ta’mirlashni moliyalashtirishga 47,4 million dollardan yo‘naltiriladi.
London markazida eng diqqatga sazovor sayyohlik maskani bo‘lgan Bukingem saroyida yirik modernizatsiya amalga oshirilmoqda. Elektr kabellari, quvur liniyalari, liftlar va hammomlar yangilanmoqda. Shuningdek, qirollik uyi barqaror aviatsiya yoqilg‘isidan foydalanishni ko‘paytiradi. Qirollik xonadoni 2024-yili “deyarli to‘liq elektr avtomobillardan foydalanishga o‘tishni maqsad qilgandi”.
Monarxiyaning 3 ta asosiy daromad manbai “Suveren grant”, Lankaster va Kornuel gersogligi yerlari hamda ularning shaxsiy mulki va investitsiyalari hisoblanadi.
Izoh (0)