O‘zbekistonda 2-dekabr, juma kuni yog‘ingarchilik kutilmaydi. Bu haqda “O‘zgidromet” markazi xabar bermoqda.
Xabar berishlaricha, 2-dekabrga o‘tar kechasi Qoraqalpog‘iston Respublikasi, Xorazm, Andijon, Namangan, Farg‘ona viloyatlarida havo harorati -5...0 daraja sovuq, O‘zbekistonning tog‘li hududlarida -3...+2 daraja, Toshkent shahrida +3...+5 daraja, Buxoro, Navoiy, Toshkent, Samarqand, Jizzax, Sirdaryo viloyatlarida +2...+7 daraja, Qashqadaryo va Surxondaryo viloyatlarida +3...+8 daraja iliq bo‘lishi kutilmoqda.
Juma kuni kunduzi Farg‘ona vodiysi viloyatlarida havo harorati +5...+10 daraja, mamlakatning tog‘li joylari, Qoraqalpog‘iston Respublikasi va Xorazm viloyatida +7...+15 daraja, Buxoro va Navoiy viloyatlarida +13...+18 daraja, Toshkent, Samarqand, Jizzax, Sirdaryo, Qashqadaryo, Surxondaryo viloyatlari va Toshkent shahrida esa +15...+20 darajagacha iliq bo‘lishi kutilmoqda.
Qoraqalpog‘iston Respublikasi, Xorazm, Buxoro, Navoiy, Qashqadaryo, Surxondaryo viloyatlaridan boshqa O‘zbekistonning qolgan hududlarida, xususan, Toshkent shahrida tongda va kechasi tuman tushishi ehtimoli bor.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)