Тошкентда 2 декабрь куни ҳаво ҳарорати +20 даражагача кўтарилади

Ўзбекистонда 2 декабрь, жума куни ёғингарчилик кутилмайди. Бу ҳақда «Ўзгидромет» маркази хабар бермоқда.

Хабар беришларича, 2 декабрга ўтар кечаси Қорақалпоғистон Республикаси, Хоразм, Андижон, Наманган, Фарғона вилоятларида ҳаво ҳарорати -5...0 даража совуқ, Ўзбекистоннинг тоғли ҳудудларида -3...+2 даража, Тошкент шаҳрида +3...+5 даража, Бухоро, Навоий, Тошкент, Самарқанд, Жиззах, Сирдарё вилоятларида +2...+7 даража, Қашқадарё ва Сурхондарё вилоятларида +3...+8 даража илиқ бўлиши кутилмоқда.

Жума куни кундузи Фарғона водийси вилоятларида ҳаво ҳарорати +5...+10 даража, мамлакатнинг тоғли жойлари, Қорақалпоғистон Республикаси ва Хоразм вилоятида +7...+15 даража, Бухоро ва Навоий вилоятларида +13...+18 даража, Тошкент, Самарқанд, Жиззах, Сирдарё, Қашқадарё, Сурхондарё вилоятлари ва Тошкент шаҳрида эса +15...+20 даражагача илиқ бўлиши кутилмоқда.

Қорақалпоғистон Республикаси, Хоразм, Бухоро, Навоий, Қашқадарё, Сурхондарё вилоятларидан бошқа Ўзбекистоннинг қолган ҳудудларида, хусусан, Тошкент шаҳрида тонгда ва кечаси туман тушиши эҳтимоли бор.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.