Futbol bo‘yicha O‘zbekiston milliy terma jamoasi kelasi yilning 12-fevral kuni Armaniston terma jamoasiga qarshi o‘rtoqlik o‘yinida maydonga tushadi. Bellashuv Turkiyada bo‘lib o‘tishi haqida O‘FF matbuot xizmati xabar berdi.
Samvel Babayan boshqaruvida JCh—2018 uchun kurash olib borayotgan O‘zbekiston milliy terma jamoasi 9—13-fevral kunlari Turkiyada yig‘in o‘tkazadi. Suriyaga qarshi saralash uchrashuvi esa 23-mart kuni bo‘lib o‘tadi.
12-fevral sanasi FIFA kuni bo‘lmagani uchun, Armanistonga qarshi bellashuvda O‘zbekiston milliy terma jamoasi asosini tashkil qiluvchi legioner futbolchilar ishtirok eta olmaydi. Bu borada Samvel Babayan termaning yaqin kelajakdagi zaxirasini mustahkamlash uchun alohida e’tibor qaratilganini qayd etgan. Turkiyaga milliy chempionat o‘yinlarida o‘zini ko‘rsatgan futbolchilar olib ketiladi.
O‘FF o‘rtoqlik o‘yini o‘tkazish taklifi bilan bir qator futbol federatsiyalariga chiqqan. Ular orasidan faqatgina Armaniston termasi ijobiy javob qaytargan.
Izoh (0)