“Barselona” hujumchisi Lionel Messi, “Real” futbolchisi Ronaldu hamda “Manchester Siti” yulduzi Serxio Aguero FIFA hamda Xalqaro professional futbolchilar uyushmalari federatsiyasi (FIFPro) versiyalari bo‘yicha 2016-yilning eng yaxshi o‘yinchilari termasiga kiritishga da’vogarlik qilmoqda. Bu haqda “TASS” xabar bermoqda.
Yil termasiga darvozabon, to‘rt himoyachi, uch yarim himoyachi va uch hujumchi kiradi. Eng yaxshi o‘yinchilar 75 mamlakat vakili bo‘lgan 25 ming professional futbolchi ishtirokidagi ovoz berish natijalariga ko‘ra aniqlanadi.
Nomzodlar ro‘yxatida ayni paytda 55 futbolchi bor. Ular orasida — “Yuventus” darvozaboni Janluiji Buffon, “Bavariya” himoyachisi Filipp Lam, “Barselona” hujumchisi Neymar va boshqalar.
Ramziy termaga kiritilgan 11 futbolchining nomlari FIFAning 2017-yil 9-yanvarda Syurixda o‘tadigan marosimida oshkor etiladi.
Izoh (0)