Oq uy ma’muriyati AQShda yaqinda bo‘lib o‘tgan prezidentlik saylovi yakunlarini tan oldi. Bu haqda 26-noyabr, shanba kuni The New York Times nashri ma’lum qildi, deya xabar beradi “Interfaks”.
Ma’muriyat bayonotida saylov natijalariga Rossiyaning ularga aralashish harakatlari ta’sir o‘tkazmagani ta’kidlangan. Ushbu tan olish saylangan prezident Donald Trampning raqiblari u kichik ustunlik bilan g‘olib chiqqan uch shtat — Viskonsin, Michigan va Pensilvaniyada ovozlarni qayta hisoblab chiqishni talab qilayotgani asnosida yangradi.
“Yashillar” partiyasidan prezidentlikka nomzod Jil Stayn mazkur jarayon uchun mablag‘ yig‘ilishini e’lon qilgandi. Hozirgacha u 5 million dollardan ziyod pul to‘plashga erishdi.
Shu bilan birga, 25-noyabr, juma kuni kechki payt ovozlar qayta hisoblab chiqilgandan keyin ham Michigan shtatida Tramp g‘olib bo‘lib qolgani ma’lum bo‘ldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)