Meksika federal politsiyasi 18-noyabr, juma kuni Akapulko shahrida yirik “Beltran Leyva” narkokarteli rahbarlaridan biri Benito Eskalanteni qo‘lga oldi. Bu haqda “TASS” xabar bermoqda.
Rasmiylarga ko‘ra, Benni laqabli jinoyatchi kartelning jangovar qanotini boshqargan. Qo‘lga olish chog‘ida u qurolli qarshilik ko‘rsatdi, biroq politsiyachilar va operatsiyada ishtirok etayotgan harbiy xizmatchilar jabrlanmadi. Yaqin orada Eskalantega ayblov e’lon qilinadi.
“Beltran Leyva” 2008-yilda Meksika politsiyasi rahbarlaridan biri Edgar Eusebio Gomesni o‘ldirgan. Shundan so‘ng rasmiylar kartelning o‘sha paytdagi barcha rahbarlarini yo‘q qilgan yoki hibsga olgandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)