O‘zbekiston Respublikasi Prezidenti vazifasini bajaruvchi Shavkat Mirziyoyev Xub shahrida (Belujiston provinsiyasi) sodir etilgan terrorchilik harakati oqibatida ko‘plab begunoh insonlarning, ayniqsa ayollar va yosh bolalarning nobud bo‘lgani munosabati bilan Pokiston Islom Respublikasi Bosh vaziri Navoz Sharifga samimiy ta’ziya bidirilgan maktub yo‘lladi. Bu haqda O‘zbekiston Tashqi ishlar vazirligi xabar berdi.
Davlat rahbari halok bo‘lganlar va jabrlanganlarning oila a’zolari va yaqinlariga samimiy hamdardlik so‘zlarini izhor etdi.
Pokiston janubidagi Bobo Shoh Nuroniy masjidida sodir etilgan teraktda oxirgi ma’lumotlarga ko‘ra, kamida 52 kishi halok bo‘ldi, 100 dan ortiq kishi yaralandi. Portlash chog‘ida binoda 500-600 kishi bo‘lgani bildirilmoqda. Pokiston matbuoti ma’lumotlariga ko‘ra, 14 yoshli o‘smir o‘zini portlatib yuborgan.
Izoh (0)