Bolgariya sotsialistik partiyasidan nomzod general Rumen Radev mamlakat prezidentligiga saylovlarda g‘olib bo‘ldi, deya xabar bermoqda “Gazeta.ru” ovozlarning 99,33 foizini hisoblab chiqqan Markaziy saylov komissiyasiga tayanib.
Ta’kidlanishicha, Radevga saylovchilarning 59,35 foizi ovoz bergan. Uning “Fuqarolar Bolgariyaning yevropacha rivojlanishi tarafdori” partiyasidan raqibi Setska Sachev esa 36,17 foiz ovoz to‘plagan.
Hukmron “Fuqarolar Bolgariyaning yevropacha rivojlanishi tarafdori” partiyasi o‘z nomzodining mag‘lubiyatini tan oldi. O‘z navbatida, partiya yetakchisi, mamlakat bosh vaziri Boyko Borisov yaqin kunlarda iste’fo berish niyatini ma’lum qildi.
Izoh (0)