AQShning saylangan prezidenti Donald Tramp CBS telekompaniyasiga bergan intervyusida 2—3 million nolegal muhojirni zudlik bilan deportatsiya qilishni rejalashtirayotganini ma’lum qildi. Bu haqda “Vedomosti” xabar bermoqda.
“Kriminal o‘tmishga ega bo‘lgan kishilar, jinoiy guruhlar a’zolari, narkosavdogarlarni qo‘lga olishni mo‘ljallamoqdamiz. Bundaylar ko‘p, balki ikki, hatto uch milliondir. Ularni mamlakatdan badarg‘a qilamiz yoki qamoqqa olamiz. Chegara xavfsiz bo‘lib, hammasi joyiga tushgach, qolgan nolegal muhojirlar borasida qaror qabul qilinadi”, — deya ta’kidlagan Tramp.
AQShning Meksika bilan chegarasida devor qurishni chindan ham rejalashtirayotgani haqidagi savolga Tramp tasdiqlovchi javob berdi. U “chegaraning ayrim hududlarida kichikroq to‘siq bo‘lishiga roziligi, biroq boshqa joylarda devor tiklanishi maqsadga muvofiq”ligini bildirgan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)