Ko‘ngilochar kurashlar tashkiloti – World Wrestling Entertainment (WWE)ning Alpha Team restlerlar jamoasi “Barselona” hujumchisi Lionel Messiga restler bo‘lishni taklif qildi. Bu haqda “TASS” xabar bermoqda.
Alpha Team jamoasi a’zolarining argentinalik futbolchini restler bo‘lishga chaqiruvchi videosi WWE’ning rasmiy kanaliga joylandi. “Barselona” klubining uy stadioni – “Kamp Nou”da yozib olingan videomurojaatda restlerlar Messiga ularning jamoasiga qo‘shilib, “6 ga 6” formatda jang qilishni taklif qildi.
“Messi jamoamizga qo‘shil. Senga raqibni uloqtirish usullari, zarba berishlarni o‘rgatamiz. Sen esa bizga to‘p tepishni o‘rgatasan. Biz bilan mashg‘ulot qilishga kel, seni kutamiz”, – dedi Alpha Team a’zolaridan biri Ched Geybl.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)