5-noyabr kuni Chexiyaning Liberets shahrida aralash turdagi yakkakurashlar (MMA) ishtirokida Night of Warriors X professional janglar kechasi o‘tkazildi. Bu haqda “Gazeta.uz” xabar bermoqda.
Turnirda 26 yoshli o‘zbekistonlik jangchi Mahmud Murodov qatnashdi. 19 jangning 14 tasida g‘alaba qozongan buxorolik jangchi 23 yoshli polshalik Damian Chandzelga qarshi jang o‘tkazdi (sakkiz jangda uch g‘alaba).
Jang 2 daqiqa 15 sekunddan so‘ng yakunlandi. Murod bo‘g‘uvchi priyom yordamida raqibini zararsizlantirdi.
Mahmud Murodov World Kickboxing Network tashkiloti versiyasi bo‘yicha qit’alararo chempion, Caveam versiyasi bo‘yicha jahon chempioni unvonlariga ega. Keyingi jangi sportchi 18-dekabrda Pragada XFN 2 turniri doirasida o‘tkazadi.
Izoh (0)