Afg‘onistonning Badaxshon viloyatida 8-may kuni portlash yuz berishi oqibatida 7 nafar “Tolibon” vakili halok bo‘ldi. Bu haqda Aamaj News nashri xabar berdi.
Manbada aytilishicha, portlash oqibatida jami 14 kishi jarohatlangan. Ular viloyat markaziy kasalxonasiga joylashtirilgan.
Aamaj News xabar berishicha, nomaʼlum mototsiklchi Badaxshon markazidagi Fayzobod shahrida harakatlanib kelayotgan “Tolibon” harbiylari karvoniga hujum qilgan. Portlash sodir bo‘lib, harbiylar voqea joyida vafot etgan.
“Tolibon” vakillari terroristik hujum haqida izoh bermagan. bu haqda hech narsa demagan. Hozircha hech bir guruh hodisa uchun javobgarlikni o‘z zimmasiga olmagan.
Badaxshon o‘lkasida portlashdan so‘ng tekshiruv kuchaytirilgan. Tuman markazida harbiylar nazorat olib borayotgani bildirilgan.
Izoh (0)