Ukrainaning “Vorskla” klubi safiga borib qo‘shilgan o‘zbekistonlik futbolchi Sanjar Tursunov jamoasidan maosh olmagani haqida aytib o‘tdi. Bu haqda “Olamsport” nashri xabar berdi. Avvalroq bu borada xabar chiqqan, biroq u Tursunov tomonidan tasdiqlanmagandi.
“Jamoamizda ijobiy o‘zgarish yo‘q. Avval qanday bo‘lsa, hozir ham shunday — dedi Tursunov. — Klubga yangi xo‘jayin kelganida, o‘zgarish bo‘lishidan umidvor bo‘lgandik. Men-ku avgustda kelganman, bolalar esa yil boshidan buyon o‘ynashyapti. Kutaylikchi, o‘zgarish bo‘lib qolar”.
29 yoshli o‘zbekistonlik futbolchidan tashqari jamoa xo‘jayini ham oylik-maoshlar masalasidagi muammolarni tan olib o‘tgan.
Izoh (0)