2016-yil 14-oktabr kuni Toshkent shahrida O‘zbekiston Xalq demokratik partiyasining X qurultoyi bo‘lib o‘tdi. Bu haqda XDP Markaziy Kengashi matbuot xizmati xabar qildi.
Unda qurultoy delegatlari, partiya Markaziy Kengashi a’zolari, Oliy Majlis Qonunchilik palatasi deputatlari va Senati a’zolari, partiya faollari, ekspertlar va OAV vakillari ishtirok etdi.
Qurultoyda O‘zbekiston Xalq demokratik partiyasidan O‘zbekiston Respublikasi Prezidentligiga ko‘rsatilgan nomzod hamda O‘zbekiston Xalq demokratik partiyasidan O‘zbekiston Respublikasi Prezidentligiga nomzodning saylovoldi dasturini tasdiqlash, O‘zbekiston Respublikasi Prezidenti saylovida partiya tashkilotlarining tashkiliy va siyosiy vazifalarini muhokama etish, shuningdek, O‘zbekiston Xalq demokratik partiyasining Ustaviga qo‘shimchalar kiritish to‘g‘risidagi masalalar ko‘rib chiqildi.
Qurultoyda O‘zbekiston Xalq demokratik partiyasidan O‘zbekiston Respublikasi Prezidentligiga nomzod ko‘rsatish bo‘yicha O‘zbekiston Xalq demokratik partiyasining VI plenumida O‘zbekiston Respublikasi Prezidentligiga partiyadan ko‘rsatilgan nomzod O‘zXDP Markaziy Kengashi raisi, partiyaning O‘zbekiston Respublikasi Oliy Majlisi Qonunchilik palatasidagi fraksiyasi rahbari Hotamjon Abdurahmonovich Ketmonov nomzodi tasdiqlandi.
Qurultoyda O‘zbekiston Xalq demokratik partiyasidan O‘zbekiston Respublikasi Prezidentligiga nomzodning saylovoldi dasturi to‘g‘risidagi masala ko‘rib chiqildi.
Shuningdek, Qurultoyda O‘zbekiston Respublikasi Prezidenti saylovi bo‘yicha saylov kampaniyasida O‘zbekiston XDP tashkilotlari oldida turgan muhim vazifalar belgilab olindi.
Qurultoyda O‘zbekiston Xalq demokratik partiyasining Ustaviga qo‘shimchalar kiritish to‘g‘risidagi masala yuzasidan partiya Ustaviga qonunchilikka muvofiq tegishli o‘zgartish va qo‘shimchalar kiritildi.
Muhokama qilingan barcha masalalar yuzasidan tegishli qarorlar qabul qilindi.
Izoh (0)