2016 йил 14 октябрь куни Тошкент шаҳрида Ўзбекистон Халқ демократик партиясининг Х қурултойи бўлиб ўтди. Бу ҳақда ХДП Марказий Кенгаши матбуот хизмати хабар қилди.
Унда қурултой делегатлари, партия Марказий Кенгаши аъзолари, Олий Мажлис Қонунчилик палатаси депутатлари ва Сенати аъзолари, партия фаоллари, экспертлар ва ОАВ вакиллари иштирок этди.
Қурултойда Ўзбекистон Халқ демократик партиясидан Ўзбекистон Республикаси Президентлигига кўрсатилган номзод ҳамда Ўзбекистон Халқ демократик партиясидан Ўзбекистон Республикаси Президентлигига номзоднинг сайловолди дастурини тасдиқлаш, Ўзбекистон Республикаси Президенти сайловида партия ташкилотларининг ташкилий ва сиёсий вазифаларини муҳокама этиш, шунингдек, Ўзбекистон Халқ демократик партиясининг Уставига қўшимчалар киритиш тўғрисидаги масалалар кўриб чиқилди.
Қурултойда Ўзбекистон Халқ демократик партиясидан Ўзбекистон Республикаси Президентлигига номзод кўрсатиш бўйича Ўзбекистон Халқ демократик партиясининг VI пленумида Ўзбекистон Республикаси Президентлигига партиядан кўрсатилган номзод ЎзХДП Марказий Кенгаши раиси, партиянинг Ўзбекистон Республикаси Олий Мажлиси Қонунчилик палатасидаги фракцияси раҳбари Ҳотамжон Абдураҳмонович Кетмонов номзоди тасдиқланди.
Қурултойда Ўзбекистон Халқ демократик партиясидан Ўзбекистон Республикаси Президентлигига номзоднинг сайловолди дастури тўғрисидаги масала кўриб чиқилди.
Шунингдек, Қурултойда Ўзбекистон Республикаси Президенти сайлови бўйича сайлов кампаниясида Ўзбекистон ХДП ташкилотлари олдида турган муҳим вазифалар белгилаб олинди.
Қурултойда Ўзбекистон Халқ демократик партиясининг Уставига қўшимчалар киритиш тўғрисидаги масала юзасидан партия Уставига қонунчиликка мувофиқ тегишли ўзгартиш ва қўшимчалар киритилди.
Муҳокама қилинган барча масалалар юзасидан тегишли қарорлар қабул қилинди.
Изоҳ (0)