«Жиззах ҳудудий электр тармоқлари корхонаси» акциядорлик жамияти тизимида 2016—2017 йиллар куз—қиш мавсумига тайёргарлик кўриш бўйича тасдиқланган режага мувофиқ, жорий йилда 259 трансформатор мукаммал таъмирланди. Бу ҳақда ЎзА хабар бермоқда.
Жорий йилнинг ўтган даврида Жиззах вилоятида янги электр тармоқлари барпо этишда 890 миллион сўмликдан зиёд қурилиш-монтаж ишлари бажарилди. 9,8 километр электр узатиш тармоғи янгидан қурилиб, 12 та трансформатор пункти ўрнатилди.
Мавсумга тайёргарлик кўриш доирасида 2 нимстанция, қарийб 5 минг километр ҳаво тармоқлари ва 823 трансформатор пункти жорий ва мукаммал таъмирланди. Ўта катта юкланиш билан ишлаётган трансформаторлардан 12 таси юқори қувватлисига алмаштирилди.
Қиш мавсумида алмаштириш зарур бўлган жиҳоз ва материаллар захирасини яратишга алоҳида эътибор қаратилмоқда. Ҳозирга қадар 13 трансформатор, 55 тонна трансформатор мойи захирага қўйилди.
Куз—қиш мавсумида истеъмолчиларни электр энергияси билан узлуксиз таъминлаш мақсадида шаҳар ва туман электр таъминоти корхоналари ходимларидан иборат 52 тезкор бригада ташкил этилиб, 15 та Damas ва 6 та юк автомашинаси шай ҳолатга келтирилди.
Изоҳ (0)