Braziliya sudyasi Renatu Roberji Facebook ijtimoiy tarmog‘ini butun mamlakat hududi bo‘ylab yopib qo‘yishni ko‘zda tutuvchi qarorni chiqardi, deb yozadi “TASS”.
Sud hukmi Facebook egalarining Santa-Katarina shtati sudining avvalgi qarori — Joinvil shahri merligiga nomzod Udu Doxler nomidan ochilgan soxta akkauntni o‘chirib, noma’lum shaxslar siyosatchining profiliga qaydlar joylagan kompyuterning IP-manzilini taqdim etishdan bosh tortganiga bog‘liq.
Braziliya adliyasi fikricha, Facebook’dagi postlar orqali, yovuz niyatlilar nomzodning obro‘sini to‘kishga hamda 30-oktabrga belgilangan shahar saylovlarining ikkinchi bosqichi arafasida uning saylovoldi kampaniyasini barbod qilishga uringan.
Sud hukmi Braziliyaning Telekommunikatsiyalar bo‘yicha milliy agentligiga yuborildi, u yaqin vaqtlar ichida mamlakat internet-provayderlariga ijtimoiy tarmoqni yopib qo‘yish talabi bilan murojaat qilishi kerak.
Izoh (0)