Turkiyadan Moskvaga qaytayotgan rossiyalik ayol samolyotda olamdan o‘tdi

Rossiyalik turist ayol Turkiyadagi kurortlardan biridan qaytayotgan chog‘da samolyot bortida olamdan o‘tdi. Bu haqda “Interfaks” xabar bermoqda.

Agentlikning favqulodda xizmatlardagi manbalariga tayanib ma’lum qilishicha, Azur air aviakompaniyasining Boeing 757 samolyoti Antalyadan Moskvaga uchayotgan edi.

Parvoz chog‘ida yo‘lovchilardan biri — 50 yoshli ayol o‘zini yomon his qila boshladi. Layner qo‘nishidan oldin uning joni uzildi.

Dastlabki ma’lumotlarga qaraganda, ayol surunkali xastalikdan aziyat chekib kelgan. Uning to‘satdan kuchayib ketishi o‘tkir yurak yetishmovchiligi xuruji bilan tushuntirilishi mumkin.