Futbol bo‘yicha 2018-yil Rossiyada bo‘lib o‘tadigan Jahon Chempionati uchun harakat qilayotgan Yevropa mamlakatlari kecha — 6-oktabr kuni saralashning 2-turini boshladi.
Kunning markaziy o‘yini Turindagi “Yuventus” stadionida o‘tib, Italiya va Ispaniya terma jamoalari murosa ko‘chasini tanladi. Yozda bo‘lib o‘tgan Yevro—2016 da italiyaliklar aynan Ispaniyani turnirdan chiqarib yuborgandi.
Ma’lumot uchun, Italiya terma jamoasi mundial saralashlarida 10 yildan buyon mag‘lubiyat nima ekanini bilmay keladi.
Yevro—2016 yarim finaliga qadar yetib borgan Uels terma jamoasi Vena shahrida 2 ochko yo‘qotdi. Garet Beyl jamoadoshlari ikki bor hisobda oldinga o‘tib olganiga qaramay, yakunda g‘alabani ushlab qola olmadi.
1-turdagi barcha o‘yinlari 1:1 hisobida yakuniga yetgan “I” guruhida Xorvatiya peshqadamga aylanib oldi. Saralash doirasida o‘zining tarixiy — birinchi uchrashuvini o‘tkazgan Kosovo termasi, ikkinchi o‘yinda yirik mag‘lubiyat alamini totib ko‘rdi.
Turkiyada esa Ukraina termasi 2 ta gol farqi bilan oldinda bora turib, yakunda g‘alabani qo‘ldan chiqardi.
Yevro—2016 kashfiyotlaridan biri sifatida e’tirof etilgan Islandiya irodali g‘alabani qo‘lga kiritdi. 90 daqiqa hisobda ortda borgan vikinglar, qo‘shib berilgan daqiqalarda 2 ta gol urishga muvaffaq bo‘ldi. Ikkinchi bo‘lim o‘rtalarida ular penaltini ko‘kka sovurgandi.
JCh—2018 UEFA saralashi. 2-tur 6-oktabr, payshanba
“D” guruhi
Avstriya — Uels 2:2
Gollar: Jo Allen, 22 (0:1). Marko Arnautovich, 28 (1:1). Kevin Vimmer, 45+1-avt (1:2). Marko Arnautovich, 48 (2:2).Irlandiya — Gruziya 1:0
Gol: Sheymus Koulmen, 56 (1:0).Moldova — Serbiya 0:3
Gollar: Filip Kostich, 19 (0:1). Branislav Ivanovich, 37 (0:2). Dushan Tadich, 60 (0:3).
“G” guruhi
Italiya — Ispaniya 1:1
Gollar: Vitolo, 55 (0:1). Daniele De Rossi, 82-pen (1:1).Lixtenshteyn — Albaniya 0:2
Gollar: Peter Yele, 12-avt (0:1). Bekim Balay, 71 (0:2).Makedoniya — Isroil 1:2
Gollar: Tomer Xemed, 25 (0:1). Tal Ben-Xaim II, 43 (0:2). Iliya Nestorovski, 63 (1:2).Noaniq penalti: Adis Yaxovich, 90+5 (M).Chetlatish: Eytan Tibi, 90+4 (I).
“I” guruhi
Turkiya — Ukraina 2:2
Gollar: Andrey Yarmolenko, 24-pen (0:1). Artyom Kravets, 27 (0:2). O‘zan To‘fon, 45+1 (1:2). Hoqon Chalxono‘g‘lu, 81-pen (2:2).Islandiya — Finlyandiya 3:2
Gollar: Teyemu Pukki, 21 (0:1). Kari Arnason, 37 (1:1). Robin Lod, 39 (1:2). Alfred Finnbogason, 90+1 (2:2). Ragnar Sigurdsson, 90+6 (3:2).Noaniq penalti: Gilfi Sigurdsson, 51 (I).Kosovo — Xorvatiya 0:6
Gollar: Mario Manjukich, 6 (0:1). Mario Manjukich, 24 (0:2). Mario Manjukich, 35 (0:3). Matey Mitrovich, 68 (0:4). Ivan Perishich, 83 (0:5). Nikola Kalinich, 90+2 (0:6).
Izoh (0)