Футбол бўйича 2018 йил Россияда бўлиб ўтадиган Жаҳон Чемпионати учун ҳаракат қилаётган Европа мамлакатлари кеча — 6 октябрь куни саралашнинг 2-турини бошлади.
Куннинг марказий ўйини Туриндаги «Ювентус» стадионида ўтиб, Италия ва Испания терма жамоалари муроса кўчасини танлади. Ёзда бўлиб ўтган Евро—2016 да италияликлар айнан Испанияни турнирдан чиқариб юборганди.
Маълумот учун, Италия терма жамоаси мундиал саралашларида 10 йилдан буён мағлубият нима эканини билмай келади.
Евро—2016 ярим финалига қадар етиб борган Уэльс терма жамоаси Вена шаҳрида 2 очко йўқотди. Гарет Бэйл жамоадошлари икки бор ҳисобда олдинга ўтиб олганига қарамай, якунда ғалабани ушлаб қола олмади.
1-турдаги барча ўйинлари 1:1 ҳисобида якунига етган «I» гуруҳида Хорватия пешқадамга айланиб олди. Саралаш доирасида ўзининг тарихий — биринчи учрашувини ўтказган Косово термаси, иккинчи ўйинда йирик мағлубият аламини тотиб кўрди.
Туркияда эса Украина термаси 2 та гол фарқи билан олдинда бора туриб, якунда ғалабани қўлдан чиқарди.
Евро—2016 кашфиётларидан бири сифатида эътироф этилган Исландия иродали ғалабани қўлга киритди. 90 дақиқа ҳисобда ортда борган викинглар, қўшиб берилган дақиқаларда 2 та гол уришга муваффақ бўлди. Иккинчи бўлим ўрталарида улар пенальтини кўкка совурганди.
ЖЧ—2018 УЕФА саралаши. 2-тур 6 октябрь, пайшанба
«D» гуруҳи
Австрия — Уэльс 2:2
Голлар: Жо Аллен, 22 (0:1). Марко Арнаутович, 28 (1:1). Кевин Виммер, 45+1-авт (1:2). Марко Арнаутович, 48 (2:2).Ирландия — Грузия 1:0
Гол: Шеймус Коулмен, 56 (1:0).Молдова — Сербия 0:3
Голлар: Филип Костич, 19 (0:1). Бранислав Иванович, 37 (0:2). Душан Тадич, 60 (0:3).
«G» гуруҳи
Италия — Испания 1:1
Голлар: Витоло, 55 (0:1). Даниэле Де Росси, 82-пен (1:1).Лихтенштейн — Албания 0:2
Голлар: Петер Йеле, 12-авт (0:1). Беким Балай, 71 (0:2).Македония — Исроил 1:2
Голлар: Томер Хемед, 25 (0:1). Тал Бен-Хаим II, 43 (0:2). Илия Несторовски, 63 (1:2).Ноаниқ пенальти: Адис Яхович, 90+5 (М).Четлатиш: Эйтан Тиби, 90+4 (I).
«I» гуруҳи
Туркия — Украина 2:2
Голлар: Андрей Ярмоленко, 24-пен (0:1). Артём Кравец, 27 (0:2). Ўзан Тўфон, 45+1 (1:2). Ҳоқон Чалхонўғлу, 81-пен (2:2).Исландия — Финляндия 3:2
Голлар: Теему Пукки, 21 (0:1). Кари Арнасон, 37 (1:1). Робин Лод, 39 (1:2). Алфред Финнбогасон, 90+1 (2:2). Рагнар Сигурдссон, 90+6 (3:2).Ноаниқ пенальти: Гилфи Сигурдссон, 51 (I).Косово — Хорватия 0:6
Голлар: Марио Манжукич, 6 (0:1). Марио Манжукич, 24 (0:2). Марио Манжукич, 35 (0:3). Матей Митрович, 68 (0:4). Иван Перишич, 83 (0:5). Никола Калинич, 90+2 (0:6).
Изоҳ (0)