Hindiston janubidagi Jayakondam shahri yaqinida sement tashuvchi va kichik yuk mashinalarining to‘qnashib ketishi oqibatida kamida 11 kishi halok bo‘ldi, yana 14 kishi og‘ir jarohat oldi. Bu haqda mamlakatning Tamilnad shtati politsiyasi ma’lum qildi, deb yozadi “TASS”.
Xabar berishlaricha, 26-sentabrga o‘tar kechasi to‘liq yuk ortilgan sement tashuvchi mashina katta tezlikda kichikroq yuk mashinasiga kelib urilgan.
Yuk mashinasida Tenkachiperumal qishlog‘i aholisi Aryalur okrugidagi dafn marosimida ishtirok etib qaytayotgan edi.
Avariya yuk mashinasi yo‘lovchilarining uyidan bor-yo‘g‘i 500 metr masofada sodir bo‘lgan.
To‘rt kishi voqea joyida, yana yetti nafari shifoxona yo‘lida halok bo‘ldi. 14 nafar jabrlanuvchidan besh nafari og‘ir ahvolda ekani aytilmoqda.
Dastlabki taxminga ko‘ra, avariya boshqaruvni qo‘ldan chiqargan sement tashuvchi mashina haydovchisining aybi bilan yuz bergan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)