Yaponiya janubida 5,7 magnitudali zilzila ro‘y berdi. Bu haqda “TASS” xabar bermoqda.
Milliy meteorologiya boshqarmasi ma’lumotlariga ko‘ra, yerosti silkinishi markazi Kagosima prefekturasining Amami orollari hududida, o‘chog‘i esa 40 kilometr chuqurlikda bo‘lgan.
Jabrlanganlar yoki vayronagarchiliklar haqida ma’lumot berilmagan. Boshqarma tomonidan e’lon qilingan sunami xavfi bir necha daqiqadan so‘ng bekor qilingan.
Zilziladan bir necha soniya avval Yaponiyada 2011-yilgi tabiiy ofatdan so‘ng joriy etilgan maxsus ogohlantirish tizimi ishlab ketdi: fuqarolar mobil telefoniga qurilma hatto ovozsiz rejimga o‘tkazilgan taqdirda ham baland tovush bilan o‘zini bildiradigan tegishli ogohlantirish keldi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)