Birlashgan Arab Amirliklari (BAA) kelgusi besh yil davomida suriyalik 15 ming qochoqni qabul qiladi. Bu haqda mamlakat xalqaro hamkorlik vaziri Rim al-Hoshimiy BMTning suriyalik qochoqlar muammosiga bag‘ishlangan sammitida ma’lum qildi, deya xabar bermoqda UAE Inside.
“Qiyin vaziyatga tushib qolgan kishilarga har birimiz yordam berishimiz, umid va tayanch manbasi bo‘lishimiz zarur. Qochoqlar uylariga qaytishi, mamlakatini qayta qurishiga ko‘mak ko‘rsatishimiz, or-nomusini saqlab qolib, jamiyatga qo‘shilib ketishiga imkon berishimiz talab etiladi”, — deya ta’kidladi vazir.
Ma’lumot uchun, hozirda BAAda 250 mingdan ortiq suriyalik istiqomat qilmoqda, biroq ularning hech biri qochoq maqomiga ega emas.
So‘nggi besh yil davomida mamlakat suriyalik qochoqlarni qo‘llab-quvvatlash uchun 750 million dollardan ortiq mablag‘ ajratdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)