Hindiston kosmik tadqiqotlar tashkiloti (ISRO) o‘z tarixida birinchi marta PSLV raketasining ko‘p pog‘onali orbita parvozini amalga oshirib, sakkizta sun’iy yo‘ldoshni ikkita turli balandlikdagi orbitalarga olib chiqdi, deb yozadi “TASS” tashkilot saytiga tayanib.
Raketa Hindiston janubi-sharqiy sohillari yaqinidagi Bengal ko‘rfazida joylashgan Shrixarikota orolidagi Satish Dxavan nomli kosmik markaz maydonidan Toshkent vaqti bilan 08:42 da uchirildi.
U turli balandliklardagi orbitalarga o‘zining uchta yo‘ldoshini, Jazoirning uchta yo‘ldoshini hamda Kanada va AQShning bittadan yo‘ldoshini olib chiqadi.
ISRO xabarida ta’kidlanishicha, PSLV raketasi birinchi marta o‘z foydali yuklarini 689 va 730 km balandlikdagi ikkita turli orbitalarga olib chiqmoqda.
Izoh (0)