Franiyaning “PSJ” klubi bosh murabbiyi Unai Emeri va yarim himoyachi Ben Arfa o‘rtasidagi munosabatlar berk ko‘chaga kirib qoldi. Katta ehtimol bilan fransiyalik futbolchi parijliklar safida o‘z imkoniyatiga ega bo‘lmaydi. Voqeaga “iSport.ua” aniqlik kiritdi.
Avvalroq 29 yoshli futbolchi jamoaning so‘nggi uch o‘yinida qaydnomaga kiritilmadi. Klubning navbatdagi mashg‘ulotida esa Unai Emeri barcha futbolchlarga yerturtki (otjimaniye) mashqini bajarishga ko‘rsatma berdi, ammo Ben Arfa faqatgina mashqni bajarayotgandek ko‘rinish hosil qilib turdi.
Bu holat ispaniyalik mutaxassisni g‘azablantirdi va u quyidagi so‘zlarni aytdi: “Sen Messi emassan! Agar sen uning darajasidagi futbolchi bo‘lganingda, senga hech nima demasdim, lekin sen Messi emassan. Bir o‘zing o‘yinlarni yuta olmaysan”.
Katta ehtimol bilan Ben Arfaning “PSJ”dagi kelajagiga nuqta qo‘yildi. Bunga futbolchining o‘zi sababchi.
Qayd etish kerakki, shu yilning yozida Unai Emeri “Sevilya” klubidan ketib, “PSJ” bosh murabbiyiga aylangan edi. Ben Arfa esa yozda “Nitssa”dan parijliklar safiga kelib qo‘shilgan edi.
Izoh (0)