Misrning EgyptAir aviakompaniyasiga tegishli A320 samolyoti halokati bilan shug‘ullanayotgan fransiyalik ekspertlar uning bo‘laklarida portlovchi modda izlarini topdi. Bu haqda tergovga yaqin manbaga tayanib, Le Figaro ma’lum qildi, deya xabar beradi “TASS”.
Nashrga ko‘ra, layner bortida portlovchi moddalar mavjudligi ehtimoli bahsli bo‘lib qolmoqda: fransuz tergovchilari misrlik hamkasblari tomonidan bu borada qo‘llab-quvvatlanmadi.
“O‘tgan haftada Qohirada bo‘lgan milliy jandarmeriya kriminologik tadqiqotlar instituti tergovchilari qurilma bo‘laklarida portlovchi modda izlari borligini qayd etdi, xolos. Misr adliyasi buni chuqurroq o‘rganishga imkon bermayapti”, — deya ta’kidlanadi Le Figaro xabarida.
Eslatib o‘tamiz, Parijdan Qohiraga yo‘l olgan A320 19-may kuni Misr havo hududiga kirgan zahoti, Qohira aeroportiga qo‘nishdan taxminan 35 daqiqa avval radarlardan g‘oyib bo‘ldi. Keyinchalik samolyot bo‘laklari va yo‘lovchilar qoldiqlari, shaxsiy buyumlari O‘rtayer dengizida, Gretsiyaning Karpatos oroli hududidan topildi. Havo kemasi halokati sabablari hozirgacha rasman aniqlanmagan.
Izoh (0)