Ўзбекистоннинг баъзи ҳудудларида 17 сентябрь, шанба куни қисқа муддатли ёмғир ёғиши мумкин. Бу ҳақда «Ўзгидромет» маркази хабар бермоқда.
Хабар беришларича, 17 сентябрга ўтар кечаси Ўзбекистоннинг тоғли ҳудудлари, Қорақалпоғистон Республикаси ва Хоразм вилоятида ҳаво ҳарорати +10...+15 даража, Қашқадарё ва Сурхондарё вилоятларида +15...+20 даража, қолган барча ҳудудларда, хусусан, Тошкент шаҳрида +13...+18 даража илиқ бўлади.
Шанба куни кундузи мамлакатнинг тоғли жойларида ҳаво ҳарорати +16...+21 даража, Қорақалпоғистон Республикаси ва Хоразм вилоятида +22...+27 даража илиқ, Тошкент шаҳрида +30...+32 даража, Қашқадарё ва Сурхондарё вилоятларида +30...+35 даража, қолган барча ҳудудларда +28...+33 даражагача иссиқ бўлиши кутилмоқда.
17 сентябрга ўтар кечаси ва 17 сентябрь куни кундузи Ўзбекистоннинг барча ҳудудларида шамол тезлиги сониясига 17—20 метргача кучайиши мумкин, мамлакатнинг тоғли ҳудудлари, Қорақалпоғистон Республикаси ва Хоразм вилоятида қисқа муддатли ёмғир ёғиши эҳтимоли бор.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)