Krishtianu Ronaldu karyerasidagi o‘sishga sabab bo‘lgan “Sporting”ga navbatdagi golini urib, uni nishonlamadi (video)

Portugaliyalik hujumchi Krishtianu Ronaldu Yevropa Chempionlar Ligasi guruh bosqichining 1-turida gol urishga muvaffaq bo‘ldi.

U to‘p surayotgan Madridning “Real” klubi “Sporting”ga qarshi uchrashuvning 88-daqiqasida ham hisobda ortda borayotgandi. Ronaldu 89-daqiqadagi super zarbasi bilan hisobni tenglashtirgan bo‘lsa, 95-daqiqada Alvaro Morata “Real”ga g‘alaba keltirgan golni urdi.

Krishtianu Ronaldu “Sporting” darvozasiga urilgan golini nishonlamadi, balki qo‘llarini tepaga ko‘tarib, Portugaliya klubi muxlislaridan uzr so‘radi. U 1997—2002-yillar oralig‘ida “Sporting” sharafini himoya qilgan bo‘lib, keyinchalik Angliyaning “Manchester Yunayted” klubi bilan shartnoma imzolagandi.