AQSh prezidentligiga Respublikachilar partiyasidan nomzod Donald Tramp prezident bo‘lgach, noqonuniy muhojirlarga Amerika fuqaroligini taqdim etishini istisno qilmayapti, deb yozadi “TASS”. AQShda turli hisob-kitoblarga ko‘ra, 11 milliondan ziyod noqonuniy muhojir yashaydi.
O‘z samolyoti bortida jurnalistlar bilan uchrashuv chog‘ida Trampga mamlakatga dastlab noqonuniy yo‘l bilan kelgan, endilikda esa jamiyatni rivojlantirishga ijobiy hissa qo‘shayotgan shaxslarga qonuniy statusni taqdim etish fikriga qanday qarashi haqida savol berildi.
“Men hech narsani istisno qilmayman, — deya javob qildi respublikachi. — Biz bu masala bo‘yicha kelajakda qaror qabul qilamiz”.
Shu tariqa, Tramp noqonuniy muhojirlarga munosabati bo‘yicha pozitsiyasini yana to‘g‘riladi.
Izoh (0)