Avvalroq Prezident qaroriga binoan, 4-sentabr, yakshanba dam olish kuni 2-sentabr, juma kuniga ko‘chirilgani haqida xabar berilgan edi.
Mazkur qaror natijasida ko‘pchilikda savollar paydo bo‘lmoqda. “Talabalar qaysi kundan o‘qishga chiqadi?”, “Birinchi qo‘ng‘iroq qaysi kuni bo‘ladi?”, “Bog‘chalar qaysi kundan ishlashni boshlaydi” va h.k. Ushbu savollarga huquqshunos Xushnudbek Xudoyberdiyev o‘z saytida mutaxassis sifatida izoh berdi.
Oliy ta’lim muassasalarida yangi 2016/2017-o‘quv yili 4-sentabr, yakshanba kunidan boshlanadi. Bu haqida 28-avgust kuni Oliy va o‘rta maxsus ta’lim vazirligi barcha OTM rektorlari va filiallar direktorlariga yo‘llagan №87-04-1393-sonli xatda ma’lum qilingan.
Shuningdek, maktablar, o‘rta maxsus, kasb-hunar ta’limi muassasalarida ham yangi o‘quv yilining dastlabki kuni 4-sentabr, yakshanba kuni etib belgilandi.
Maktabgacha ta’lim muassasalarida ham 1-, 2- va 3-sentabr kunlari dam olish kuni bo‘ladi va 4-sentabr, ya’ni yakshanba kunidan ota-onalar o‘z farzandlarini bog‘chalarga olib borishi mumkin bo‘ladi.
Ishchilarga keladigan bo‘lsak, mazkur qaror 5 kunlik ish haftasiga ham, 6 kunlik ish haftasiga ham taalluqli.Bu degani 5 kunlik ish haftasida, ya’ni shanba rasman dam olish kuni bo‘lgan tashkilot xodimlari 1-, 2-, 3-sentabr kunlari dam oladi va 4-sentabr, ya’ni yakshanba kuni ishga chiqadi.
6 kunlik ish haftasida, ya’ni shanba kuni rasman ish kuni bo‘lgan tashkilot xodimlari 1- va 2-sentabr kuni dam oladi, 3- va 4-sentabr kunlari odatdagidek ishga chiqadi.
Izoh (0)