Sloveniyaning Izola shahridagi kasalxonada ro‘y bergan otishmada ikki kishi halok bo‘ldi. Bu haqda mamlakat politsiya bosh boshqarmasi ma’lum qildi, deya xabar beradi “TASS”.
Tibbiyot muassasasida o‘q uzgan keksa erkak hodisa aybdori bo‘ldi. U shifokor va jinoyat joyiga yetib kelgan politsiyachilardan birini o‘ldirgan. Ikkinchi politsiyachi o‘qotar quroldan yaralangan va holati og‘ir ekanligi aytilmoqda. Hujum qilgan kimsa hodisa joyidan avtomobilda yashirinishga harakat qildi, biroq huquq-tartibot idoralari xodimlari tomonidan otib o‘ldirildi.
Jinoyatchini bunga undagan omillar hozircha noma’lum. Politsiyaga ko‘ra, u 68 yoshda bo‘lib, oldinroq pochta bo‘limining talon-taroj qilinishi ishi bo‘yicha qo‘lga olingan.
Izoh (0)