Avstraliyada to‘rt nafar noma’lum shaxs Xampti Du shahrida joylashgan Taminmin kolleji ma’muriyati xonasiga timsohlarni kiritib yubordi, deb yozadi TJournal.
Hodisa 21-avgust kuni sodir bo‘ldi. Noma’lum shaxslar timsohlarni singan deraza oynasi orqali ichkariga kiritdi. Politsiyachilar aytishicha, jonivorlarning jag‘lari skotch orqali bog‘lab qo‘yilgan, o‘zlari esa och-nahor holatda bo‘lgan: ularga anchadan buyon na suv, na ozuqa berilgan.
Timsohlarni qo‘yib yuborgach, yovuz niyatlilar yuzlarini futbolkalari bilan to‘sib olib, xonani talon-taroj qildi va u yerdagi qimmatbaho buyumlarni olib ketdi. Keyinroq jonivorlarni tutishga mahalliy reynjer yordam berdi.
Politsiya gumonlanuvchilarni qidirmoqda, ularga jonivorlarga shafqatsiz munosabatda bo‘lgani uchun 50 ming Avstraliya dollari miqdorida (38 ming AQSh dollari) jarima solinishi mumkin.
https://youtu.be/6l9i5tqprw8
Izoh (0)