Yengil atletika bo‘yicha AQSh terma jamoasi a’zosi Ebbi D’Agostino yugurish yo‘lakchasiga yiqilgan Yangi zelandiyalik raqibasi Nikki Xemblinga o‘rnidan turishga yordam berdi. Voqea 16-avgust kuni, Rio–2016 Olimpiadasining 5 000 metrga yugurish bahslarida bo‘lib o‘tdi, deb xabar bermoqda TJournal.
Xemblin amerikalik D’Agostinoning oyog‘i ostida yiqildi va raqibasiga qoqilib, u ham yiqildi. AQSh vakilasi o‘z o‘rnidan darrov turib, Yangi zelandiyalik sportchiga turishga yordam berdi.
Yiqilish natijasida oyog‘ini shikastlagan D’Agostino yugurishni shu zahoti davom ettira olmadi va bu safar unga Xemblin yordam qo‘lini cho‘zdi.
Por su gran gesto olímpico, Nikki Hamblin y Abbey D'Agostino fueron recalificadas por los jueces y avanzaron pic.twitter.com/nTk0yHTPpP
— Sebastián Amaya (@sebaamaya) August 16, 2016
Amerikalik yengil atletikachi bir amallab finishga yetib bordi va shundan so‘ng unga tibbiy yordam ko‘rsatildi.
Xemblin qanday qilib yerga yiqilganini tushunmay qoldi. Jurnalistlar bilan suhbatda u amerikalik hamkasbi bilan tanish emasligini aytdi. Finishga yetib kelganidan so‘ng Nikki Xemblin raqibasini quchoqlab, yordam uchun minnatdorlik bildirdi.
Ijtimoiy tarmoqlarda hodisaga munosabat bildirgan foydalanuvchilar voqea “Olimpiya ruhi” namunasi ekanini ta’kidladi. Har ikki sportchiga final bosqichida ishtirok etish uchun ruxsat berildi.
Izoh (0)