Rossiyalik milliarder Alisher Usmonov Londonning “Arsenal” futbol jamoasidagi ulushini sotib, Liverpulning “Everton” jamoasi aksiyalarining bir qismini xarid qilishi mumkin. Bu haqda, The Sun nashriga asoslanib, “TASS” xabar bermoqda.
Tabloidning manbalariga qaraganda, Usmonov “Arsenal”ning ahvolidan norozi va “Everton” aksiyalarining 49,9 foiziga egalik qiluvchi Farhod Moshiriga qo‘shilmoqchi.
Moshiri Usmonovning “Arsenal”ga qisman egalik qiluvchi Red and White Securities LTD kompaniyasi bo‘yicha sobiq hamkoridir. 2016-yil fevralida Moshiri Usmonovga o‘z ulushini sotdi, shundan so‘ng u “Arsenal”ning 30,04 foiz aksiyalariga ega bo‘ldi.
“Arsenal”ning bosh aksiyadori Sten Kronkedir — unga jamoa aksiyalarining 67,05 foizi tegishli.
Ayni paytda Usmonov xaridor qidirayotgani aytilmoqda.
Izoh (0)