Saudiya Arabistonida neft qazib chiqarish hajmi iyul oyida rekord darajaga — sutkasiga 10,67 million barrelgacha yetdi, deb yozadi “RBK” Neftni eksport qiluvchi mamlakatlar tashkiloti (OPEK) ma’lumotlariga tayanib.
Bu o‘tgan yilning iyulida erishilgan rekord ko‘rsatkich — sutkasiga 10,56 million barreldan balandroq demakdir.
Financial Times yozishicha, Saudiya Arabistoni odatda yoz oylari davomida ko‘proq neft ishlab chiqaradi, bu konditsionerlar faol ravishda ishlatilishi tufayli ichki talab oshishi bilan bog‘liqdir. Iyulda Saudiya Arabistonida havo harorati Selsiy bo‘yicha 50 darajadan yuqori ko‘tariladi.
Qirollik iyul oyida OPEK bo‘yicha hamkasblariga bozorni neft bilan to‘ldirmaslikka va’da bergach, Saudiya Arabistonida neft qazib chiqarilishi OPEKka a’zo boshqa mamlakatlar tomonidan diqqat bilan kuzatilmoqda.
Izoh (0)