Qrimning Feodosiya shahri yaqinidagi trassada yo‘lovchi avtobusi yo‘ldan chiqib ketdi. Bu haqda “RBK” xabar bermoqda.
FVVning ma’lum qilishicha, halokat Feodosiya–Sudak trassasida sodir bo‘lgan. Qutqaruvchilar to‘rt kishining halok bo‘lganini xabar qilmoqda. Yana 15 yo‘lovchi shifoxonaga yotqizilgan.
“TASS” esa, respublika favqulodda xizmatlaridagi manbalariga asoslanib, besh kishi halok bo‘lganini, 13 kishi jarohatlanganini ma’lum qilmoqda. Agentlikning bildirishicha, voqea Alushta–Sudak–Feodosiya trassasining 50-kilometridagi Shchebetovka aholi yashash punkti yaqinida sodir bo‘lgan. Avtobus ariqqa tushib ketib, jarlikdan qulagan.
Avtobus Sudakdan Kerchga ketayotgan edi. Uning ichida 18 kishi bor edi.
Izoh (0)