Qizil Xoch va Qizil Yarim oy jamiyatlari xalqaro federatsiyasi ko‘magida O‘rtayer dengizida qutqaruv amaliyotlarini olib borayotgan The Responder qidiruv kemasi 10-avgust, chorshanba kuni 300 dan ortiq muhojirni qutqardi. Bu haqda federatsiyaning Jenevadagi shtab-kvartirasi ma’lum qildi, deya xabar beradi “TASS”.
“Maltadan bir kun oldin yo‘lga chiqqan The Responder 10-avgust, chorshanba kuni ertalab O‘rtayer dengizining markaziy qismida halokatga uchragan to‘rtta qayiqdan 327 kishini qutqarib qoldi”, — deyiladi shtab-kvartira tomonidan tarqatilgan xabarda.
Qutqarilganlar orasida o‘nlab ayollar va bolalar, jumladan, kattalar hamrohligisiz yo‘lga otlangan 11 nafar voyaga yetmagan bor.
Izoh (0)