OAV: Xitoy sharqida YTH oqibatida 10 kishi halok bo‘ldi

Xitoy sharqidagi Shandun provinsiyasida bir nechta avtomobil ishtirokida ro‘y bergan yo‘l-transport hodisasi oqibatida 10 kishi halok bo‘ldi, yana 20 nafari jabrlandi. Bu haqda “Sinxua” agentligiga tayanib, “TASS” xabar bermoqda.

Hodisa hududning markaziy qismidagi Szibo okrugida yuz berdi. Mahalliy rasmiylarning ma’lum qilishicha, yo‘l-transport hodisasi yuk mashinasi, ikkita avtobus, yengil avtomobil va mototsikl ishtirokida bo‘ldi.

Barcha jabrlanganlar shifoxonaga yetkazildi, ulardan ikki nafari og‘ir ahvolda ekani xabar qilinmoqda.

Politsiya xodimlari voqea yuzasidan surishtiruv ishlarini boshladi.