Apple sog‘liqni saqlash sohasidagi loyihalarini rivojlantirishda davom etmoqda: OAVga korporatsiya kelgusi yili fitnes-trekerni ishlab chiqarishni rejalashtirgani ma’lum bo‘ldi. Bu haqda 3DNews xabar bermoqda.
Tayvanning Economic Daily News nashriga ko‘ra, Apple foydalanuvchilarning shaxsiy ma’lumotlari, jumladan, yurak qisqarishi maromi, tomir urishi, qondagi qand miqdori va boshqa axborotni yig‘adigan yangi mahsulot ustida ishlamoqda. Mazkur qurilmada iPhone 6S smartfonida ishlatiladigan va displeyga teginish kuchi bilan bog‘liq 3D Touch texnologiyasi muhim o‘rin tutishi bildirilmoqda. Korporatsiya jamoasi ushbu gadjetni ikki yildan beri tayyorlab kelmoqda, uning 2017-yili taqdim etilishi kutilmoqda.
Yangi mahsulotning shakl-shamoyili hozircha ma’lum emas. Faqat uning Apple Watch “aqlli soatlari”ning zamonaviy ko‘rinishi emas, balki butkul yangi qurilma bo‘lishi bildirilmoqda.
Izoh (0)