Facebook o‘rnatilgan reklama to‘sgichlarga (blokirator) qaramay, foydalanuvchilarga reklama e’lonlarini majburiy tarzda namoyish etishni boshlaydi. Bu haqda kompaniya saytida ma’lum qilindi, deya xabar beradi “RBK”.
Kompaniyaning reklama dasturlari bo‘yicha vitse-prezidenti Endryu Bosvortning bildirishicha, saytga reklamani joylashtirish uslubi to‘sgichlar reklama bloklarini aniqlashi qiyin bo‘ladigan darajada o‘zgartirildi. Biroq bu chora tijorat maqsadlarini ko‘zlab amalga oshirilmagan. Internet-reklama bilan shug‘ullanuvchi Interactive Advertising Bureau ma’lum qilishicha, amerikalik kompyuter foydalanuvchilarining 26 foizi qurilmalarida reklama to‘sgichlarni qo‘llaydi. Ijtimoiy tarmoq foydalanuvchilarining necha foizi to‘sgichlarni ishlatishini kompaniya oshkor etmagan.
The Wall Street Journal nashriga ko‘ra, Facebook reklama daromadlarining 84 foizini reklamani to‘sishga kamroq moyil bo‘lgan mobil qurilmalardan oladi.
Izoh (0)