Xitoyning Shandun shahridagi Sindao pivo festivalida Ginnes rekordlar kitobi ekspertlari yangi rekordni qayd qildi. Smartfondan boshqarilayotgan 1007 robot maydonda to‘planib, bir paytning o‘zida raqs tushdi. Bu haqda “Hi-Tech.Mail.ru” xabar bermoqda.
Rekordlar kitobi vakillari voqea aks etgan videoni YouTube’ga joylashtirdi.
Rekord o‘rnatish uchun Ever Win Company kompaniyasi 43,8 santimetr bo‘yga ega QRC-2 robotlarini tanladi. Robotlar soni boshida ko‘proq edi, ammo raqs chog‘ida ularning ayrimlari yiqildi yoki texnik nosozlik tufayli to‘xtab qoldi.
Raqsni boshqarishda bittagina smartfondan foydalanildi. Robotlarga Bluetooth orqali ma’lumot yuborgan dasturiy ta’minot boshqa smartfonlar va Bluetooth uskunalaridan himoyalangan edi.
Ilgarigi rekord UBTECH kompaniyasiga tegishli edi — o‘shanda bir paytning o‘zida 540 robot raqs tushgan edi.
Izoh (0)