Mobil qurilmalar uchun ommalashgan o‘yin — Pokemon Go keltirgan tushum bozorga chiqishidan o‘tgan 30 kun mobaynida 200 million dollardan oshdi. Shu tariqa dastlabki bir oy ichida 120 million daromad keltirgan Clash Royal o‘yiniga tegishli rekord ko‘rsatkich yangilandi, deya xabar beradi “Interfaks”.
Pokemon Go va dunyodagi tijoriy nuqtai nazardan eng muvaffaqiyatli o‘yinlardan biri bo‘lgan Candy Crush Soda Saga ham solishtirib ko‘rildi. Biroq Saga bozorga chiqqanidan so‘ng o‘tgan bir oyida 25 million dollar to‘plagan, xolos.
AQSh, Kanada va Avstraliyada 6-iyul kuni debyut qilgan Pokemon Go Apple dasturlar do‘konida birinchi o‘rinni egallab turibdi. Yaponiya va boshqa mamlakatlarda o‘yin uch haftadan so‘ng chiqdi.
Izoh (0)