Buyuk Britaniya va Ukraina 100 yillik hamkorlik bo‘yicha muzokaralarni boshladi. Bu haqda Buyuk Britaniyaning Kiyevdagi elchixonasi xabar berdi.
Bu masala Ukraina prezidenti Vladimir Zelenskiy va Buyuk Britaniya tashqi ishlar vaziri Devid Kemeronning Kiyevga tashrifi chog‘ida bo‘lib o‘tgan uchrashuvida muhokama qilindi.
“Yangi kelishuv ikki davlat o‘rtasida to‘liq munosabatlar: savdo, xavfsizlik va mudofaa, fan va texnologiya, taʼlim, madaniyat va boshqa ko‘plab sohalarda mustahkam aloqalarni o‘rnatadi”, — deyiladi bayonotda.
Bundan tashqari, Kemeron Ukrainaning energetika infratuzilmasi uchun 36 million funt sterling miqdoridagi yordam ajratilishini tasdiqladi. Mamlakatning muhim infratuzilmasiga qilingan hujumlar to‘lqinini tiklash uchun favqulodda moliyaviy yordam sifatida 20 million funt sterling va Innovate Ukraine tanlovi g‘oliblari uchun yana 16 million funt sterling ajratiladi.
Eslatib o‘tamiz, Kemeron kecha, 2-may kuni Kiyevga tashrif buyurgan edi. Zelenskiy ijtimoiy tarmoqlarda Kemeron bilan uchrashuv chog‘ida britaniyalik vazirni frontdagi vaziyat haqida xabardor qilganini ma’lum qildi.
“Buyuk Britaniyadan o‘tgan hafta e’lon qilingan qo‘llab-quvvatlash paketida ko‘zda tutilgan qurollar, birinchi navbatda, zirhli mashinalar, o‘q-dorilar va turli xil raketalar kelishi muhim”, — dedi Ukraina prezidenti.
Izoh (0)